Dy balona me ajër të nxehtë u rrëzuan të dielën në pjesën qendrore të Turqisë, ku si pasojë një person humbi jetën dhe 19 të tjerë u plagosën, sipas raportimeve të mediave lokale.
Aksidenti ndodhi pranë luginës Ihlara në provincën Aksaray, raportoi agjencia private e lajmeve Ilhas dhe media të tjera.
Ende nuk dihet shkaku i rrëzimit të balonëve, as identiteti i viktimës dhe personave të plagosur, apo shtetësia e tyre.
Udhëtimet me balon janë një atraksion i njohur turistik në Kapadoki, Turqi.
Rajoni i Kapadokisë është një vend ku bukuria natyrore dhe historia bashkohen, duke formuar një nga peizazhet më të mrekullueshme në botë.
