Zyra e Prokurorit të Specializuar ka konfirmuar raportimin e Lajmi.net se është duke u bastisur shtëpia e Blerim Shalës, ish-këshilltar i ish-presidentit, Hashim Thaçi.
Specialja në një përgjigje për Lajmi.net ka thënë se ZPS-ja është duke zhvilluar bastisje të vazhdueshme.
Nga Specialja kanë bërë të ditur se bastisja po mbështetet nga Policia e Kosovës dhe EULEX-i.
“Zyra e Prokurorit të Specializuar (SPO) është duke zhvilluar operacione të vazhdueshme në Kosovë. Operacionet e PSP-së po mbështeten nga Policia e Kosovës dhe Misioni i Bashkimit Evropian për Sundimin e Ligjit në Kosovë (EULEX)”, thuhet në përgjigjen e zyrës për media të ZPS-së për Lajmi.net.
Në media është raportuar se përveç shtëpisë së Shalës, është duke u bastisur edhe shtëpia e ish-shefit të AKI-së, Bashkim Smakaj.
Smakaj ka qenë edhe këshilltar politik në kabinetin e ish-presidentit Thaçi.
