Gëzimi dhe lumturia e qytetarëve u kapën nga kamerat gjatë festimeve ku morën pjesë njerëz nga të gjitha moshat dhe grupet etnike
Pas përmbysjes së regjimit 61-vjeçar Baath në Siri, njerëzit që mbushin sheshet në shumicën e qyteteve, veçanërisht në kryeqytetin Damask, provincat Halep, Latakia, Dara dhe Hama vazhdojnë festimet e tyre, raporton Anadolu.
Miliona njerëz u mblodhën në sheshet e qyteteve Damask, Halep, Latakia, Daraa, Idlib, Hama, Homs, Deir ez-Zor, Tartus dhe Suwayda pas faljes së namazit të parë të xhumasë pas përmbysjes së regjimit.
Gëzimi dhe lumturia e qytetarëve u kapën nga kamerat gjatë festimeve ku morën pjesë njerëz nga të gjitha moshat dhe grupet etnike.
Njerëzit që mbushën sheshet e mëdha të qyteteve shëtisnin me “flamujt e revolucionit sirian” në duar dhe thërrisnin slogane duke uruar lirinë e vendit dhe “Sirinë e re”.
Populli këndon këngë revolucionare në festime entuziaste.
Udhëheqësi i Hayat Tahrir al-Sham (HTS), Ahmed al-Shara (Abu Muhamed al-Julani), uroi popullin për përmbysjen e regjimit Baath dhe ftoi sirianët në sheshe për festime.
