Presidenti rus Vladimir Putin ka marrë pjesë dje në një takim të ministrave në qeverinë e këtij vendi dhe gjatë takimit i ka drejtuar një sërë kritikash zëvendëskryeministrit Denis Manturov.
Përkatësisht, Manturov, i cili është edhe ministër i Ekonomisë dhe Tregtisë, e ka njoftuar Putinin për progresin në nënshkrimin e kontratës në fushën e aviacionit për vitin 2023.
Ndër të tjera ai theksoi se janë dërguar porosi për avionë të rinj, ushtarakë dhe civilë. Pikërisht kjo fjali e shqetësoi më shumë Putinin, i cili i dha një leksion të shkurtër Manturovit.
“Nuk ka kontrata solide Denise. Ata nuk e kuptojnë se çfarë duhet të bëjnë. Gjithçka po zgjat shumë, pres që të shpejtoni gjithçka. Nuk ka kontrata për bizneset në 2023. A e kuptoni se çfarë jam po flasim?”, tha Putin.
LIKE A BAWSE:
In a bureaucratic mix up, Putin demands that Denis Manturov, Minister of Industry and Trade, ENSURES that 2023 contracts for civil and military aircraft production are in place with the relevant enterprises, within the MONTH.#Russia pic.twitter.com/7cP8k1v05e
— George A. Hamalian (@gahamalian) January 11, 2023
Pas kësaj, Manturov u përpoq t’i shpjegonte presidentit rus se si ekzistojnë kontratat.
“Zoti Putin, ne kemi kontrata brenda Ministrisë së Mbrojtjes. Në kontratën për prodhimin e helikopterëve janë edhe kompanitë e lizingut. Ne kemi gjithçka gati për kontratat për aviacionin”, tha Manturov.
Ky shpjegim nuk i shkonte as Putinit.
“Z. Manturov keni skica, nuk keni kontratë, të flasim pas mbledhjes, e di që nuk ka kontrata me kompanitë, më thanë drejtorët, çfarë po mashtroni, kur do të ketë kontratat?”, përfundoi Putin.
