Ministria palestineze e Shëndetësisë në Gaza njoftoi se 51 civilë janë vrarë dhe qindra të tjerë janë plagosur në një masakër të re në rrethrrotullimin Al-Tahlia në Khan Younis.
Sipas ministrisë, viktimat ishin mbledhur për të marrë ndihma humanitare kur forcat izraelite hapën zjarr. Dhjetëra të plagosur ndodhen ende në gjendje kritike.
Ministria e Shëndetësisë konfirmoi se 51 persona kanë humbur jetën dhe mbi 200 të tjerë janë plagosur.
Ekipet mjekësore po punojnë në kushte jashtëzakonisht të vështira, ndërsa ministria paralajmëron për mungesa serioze të furnizimeve bazë dhe barnave. Ministria ka bërë një apel urgjent për ndihmë ndërkombëtare për të ndihmuar pacientët më të rrezikuar.
Punonjësit shëndetësorë shpeshherë janë në shënjestër të ushtarëve izraelitë, ashtu si edhe punonjësit e urgjencës që përpiqen të ndihmojnë civilët e plagosur në vendngjarje.
