Gazetari dhe analisti izraelit Eyal Berkovic, në një deklaratë për mediat izraelite, ka bërë komente që shkaktuan reagime të ashpra. Duke pretenduar se Hamasi dhe Irani janë “neutralizuar”, Berkovic tha se objektivi i radhës mund të jetë Turqia.
Tensionet mes Izraelit dhe Iranit vazhdojnë të përshkallëzohen, ndërkohë që sulmet reciproke nuk kanë të ndalur dhe klima në rajon mbetet jashtëzakonisht e tensionuar.
Në kundërpërgjigje ndaj sulmeve të mëparshme izraelite, Irani ka përdorur dronë kamikazë dhe raketa balistike për të goditur objektiva në territorin izraelit.
“Finalja do të jetë me Turqinë”
Eyal Berkovic, ish-futbollist dhe tani komentator në Kanal 13, tha:
“Sot në mëngjes më dërguan një shaka. Ishim në çerekfinale me Hamasin dhe i mundëm me penallti. Pastaj luajtëm gjysmëfinalen me Iranin dhe fituam. Finalja do të jetë me Turqinë.”
Këto deklarata provokuese, që nënkuptojnë një përballje të mundshme me Turqinë, shkaktuan reagime të ashpra në rrjetet sociale dhe në opinionin publik.
