Djali i ish-sulmuesit brazilian Ronaldinho, Joao Mendes (18), ka nënshkruar kontratë me skuadrën e të rinjve të Barcelonës, njoftoi sot gjiganti katalanas.
Mendes më parë ndërpreu kontratën e tij me klubin brazilian të Serie B Cruzeiro.
Që nga janari, ai është duke u stërvitur provë me ekipin e të rinjve të Barcelonës.
Sipas ESPN, kontrata e Mendes do të zgjasë deri në verën e vitit 2024.
Kujtojmë se Ronaldinho kaloi pesë vjet në Camp Nou si lojtar nga 2003 deri në 2008.
Ai luajti më shumë se 200 ndeshje për Barcelonën dhe shënoi pothuajse 100 gola, duke i ndihmuar ata të fitojnë Ligën e Kampionëve dhe dy tituj të La Ligës.
Ai ishte në ekipin brazilian që fitoi Kupën e Botës në vitin 2002, dhe tani punon si ambasador i klubit për Barcelonën.
