Izraeli para dy netësh kreu një sulm ajror të gjerë ndaj më shumë se 100 objektivave në Iran, përfshirë kompleksin bërthamor të Natanzit, objekti kryesor për pasurimin e uraniumit në Iran. Gjatë ditës, u goditën edhe dy objekte të tjera bërthamore.
Sulmi është pjesë e një operacioni ushtarak të quajtur “Luani ngrihet” (Rising Lion), që sipas kryeministrit izraelit Benjamin Netanyahu ka për qëllim “neutralizimin e kërcënimit ekzistencial” që paraqet programi bërthamor iranian.
Mbrëmë, Irani u përgjigj me një sulm ndaj Izraelit. Shpërthime u dëgjuan në Tel Aviv dhe Jerusalem. Menjëherë pas kësaj, edhe Izraeli sulmoi Iranin. Shkëmbimi i zjarrit po vazhdon edhe sot.
