– Ushtria izraelite lejon vetëm një numër të kufizuar kamionësh me ndihma në Gaza, duke bërë që turma të mëdha civilësh të dëshpëruar të mblidhen.
Ushtarët izraelitë hapën zjarr ndaj një grupi palestinezësh të mbledhur për të marrë ndihmë humanitare në veri të Gazës, duke vrarë një person dhe duke plagosur disa të tjerë, raporton Anadolu.
Ushtria izraelite lejon vetëm një numër të kufizuar kamionësh me ndihma në Gaza, duke bërë që turma të mëdha civilësh të dëshpëruar të mblidhen.
Sipas Zyrës për media të Qeverisë së Gazës, këto tubime janë bërë gjithnjë e më shumë objektiva të sulmeve izraelite ose vjedhjeve nga bandat e armatosura të mbështetura nga Izraeli për të shkaktuar kaos.
Duke refuzuar thirrjet ndërkombëtare për armëpushim, ushtria izraelite ka ndjekur një ofensivë brutale kundër Gazës që nga tetori i vitit 2023, duke vrarë të paktën 55.900 palestinezë, shumica prej tyre gra dhe fëmijë.
Nëntorin e kaluar, Gjykata Ndërkombëtare Penale lëshoi urdhër-arreste ndaj kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzaur për krime lufte dhe krime kundër njerëzimit në Gaza.
Izraeli gjithashtu përballet me një padi gjenocidi në Gjykatën Ndërkombëtare të Drejtësisë për luftën në enklavën palestineze.
