– Duke mbajtur pankarta që shkruanin “Jo luftës” në shumë gjuhë, protestuesit kërkuan ulje të tensioneve dhe kërkuan një zgjidhje diplomatike për tensionet në rritje në Lindjen e Mesme
PARIS (AA) – Protestuesit francezë janë tubuar jashtë Panteonit në kryeqytetin Paris për të shprehur revoltën e tyre kundër luftës midis Izraelit dhe Iranit, duke bërë thirrje për paqe dhe duke dënuar bombardimet e fundit në të dy vendet, raporton Anadolu.
Duke mbajtur pankarta që shkruanin “Jo luftës” në shumë gjuhë, protestuesit kërkuan ulje të tensioneve dhe kërkuan një zgjidhje diplomatike për tensionet në rritje në Lindjen e Mesme.
Izraeli ka shënjestruar objektet dhe personelin bërthamor dhe ushtarak të Iranit me sulme ajrore që nga 13 qershori, duke tërhequr sulme hakmarrëse nga Irani.
SHBA-ja ka kërkuar nga Irani të heq dorë nga aktivitetet e pasurimit të uraniumit, që fuqitë perëndimore i shohin si një rrugë drejt ndërtimit të armëve bërthamore. Irani pohon se programi i tij bërthamor është vetëm për qëllime paqësore.
Negociatat midis SHBA-së dhe Iranit, të ndërmjetësuara nga Omani, filluan në muajin prill dhe ishin planifikuar të vazhdojnë të dielën e kaluar, por sulmet e Izraelit çuan në anulimin e tyre.
