Policia në Kanada është në kërkim të një sulmuesi të dyshuar pasi të paktën 12 persona u plagosën në një të shtënat para një pub-i në Toronto, njoftuan autoritetet.
Katër persona pësuan lëndime që nuk rrezikojnë jetën pas incidentit në distriktin Scarborough, në lindje të qendrës së Torontos, bëri të ditur policia. Shkalla e lëndimeve të viktimave të tjera mbetet e panjohur.
I dyshuari është ende në arrati, njoftoi policia.
Policia e Torontos raportoi se i dyshuari “mbante një maskë të zezë” dhe është parë “duke ikur me një makinë ngjyrë argjendi”, duke qenë ende i lirë.
Kryetarja e bashkisë së Torontos deklaroi se po mobilizohen “të gjitha burimet e nevojshme” pas të shtënave.
“Jam thellësisht e shqetësuar për raportimet mbi të shtënat në një pub në Scarborough”, shkroi Olivia Chow në një postim në platformën X.
Ajo theksoi se është siguruar nga shefi i policisë së qytetit se “të gjitha burimet e nevojshme janë angazhuar” dhe se hetimi mbi incidentin po vazhdon.
“Mendimet e mia janë me viktimat dhe familjet e tyre”, tha kryetarja e bashkisë.
