Rifillimi i fluturimeve të drejtpërdrejta midis kryeqytetit sirian dhe metropolit turk vjen pas një pezullimi 12-vjeçar të shkaktuar nga lufta civile siriane, e cila përfundoi në fund të vitit të kaluar
Një aeroplan pasagjerësh i kompanisë ajrore ‘Syrian Airlines’ është nisur nga Aeroporti Ndërkombëtar i Damaskut për në Aeroportin Ndërkombëtar të Stambollit, duke shënuar fluturimin e parë të transportuesit ajror në këtë itinerar në 12 vjet, transmeton Anadolu.
Rifillimi i fluturimeve të drejtpërdrejta midis kryeqytetit sirian dhe metropolit turk vjen pas një pezullimi 12-vjeçar të shkaktuar nga lufta civile siriane, e cila përfundoi në fund të vitit të kaluar.
Bashar al-Assad, lideri i Sirisë për pothuajse 25 vite, u arratis në Rusi në muajin dhjetor, duke i dhënë fund regjimit të Partisë Baath, e cila ka qenë në pushtet që nga viti 1963.
Ahmed al-Sharaa, i cili udhëhoqi forcat kundër regjimit për të rrëzuar Assadin, në muajin janar u shpall president për një periudhë kalimtare.
