Ministria e Ekonomisë ka mbajtur ceremoninë e lansimit të “Thirrjes publike për mbështetjen e konsumatorëve familjarë në investimin në pajisje shtëpiake efiçiente dhe sistemin diellor për ngrohjen e ujit sanitar”, raporton Ekonomia Online.
Kryeministri i Kosovës, Albin Kurti ka thënë se kjo përveçse do të mundësojë uljen e kostove financiare, do ta bëjë edhe reduktimin e emetimit të gazrave serrë.
Ai ka thënë se programi i efiçienës ndikon edhe në aspektin ambiental dhe është kursimtar për buxhetin familjar, duke shtuar se janë mbështetur mbi 9 mijë familje e për herë të parë nënat vetushqyese.
“Në vendin tonë intensiteti energjetik është tri herë më i lartë se sa shtetet anëtare të BE-së, ky numër duhet të ulet dukshëm andaj fokusi nuk është vetëm rritja e kapacitetet prodhuese, por edhe në rritjen e efiçiencës së energjisë. Përveç që ndikon në uljen e kostove financiare, ndikon në reduktimin e emetimit të gazrave serrë”.
“Përmes masave tona kemi mbështetur mbi 9 mijë familje, duke ua subvencionuar blerjen e pajisjeve efiçiente në ngrohje. Për herë të parë në vendin tonë u kemi dhënë përkrahje nënave vetushqyese”, ka theksuar ai.
Artane Rizvanolli, ministra e Ekonomisë tha se programi i subvencioneve pak vlerën e 15 milionë eurove, ku do të përfitojnë 20 mijë qytetarë.
“Po fillojmë zbatimin e thirrjes më të re të përkrahjes së qytetarëve për efiçiencëc të energjisë. Këtë vit Ministria e Ekonomisë do të zbatojë programin e efiçiencës i cili kap shifrën 15 milionë euro dhe përfshinë për familje 10 milionë euro për pajisjet ngrohëse efiçiente, pajisje shtëpiake efiqente, sisteme solare për ngrohjen e ujit si dhe sistemet solare… përmes së cilës synojmë të përfitojnë se paku 20 mijë qytetar”.
“Sot po e lansojmë dy thirrjet e para për pajisje shtëpiake rrobalarëse, enëlarëse dhe frigorifer dhe sisteme diellore për ngrohej e ujti ndërsa me të tjerat do te vazhdojmë gjatë javëve në vijim”, tha ajo.
Përfaqësuesi i BE-së, Alessandro Bianciardi, poashtu u bëri thirrje qytetarëve që të aplikojnë për t’i fituar këto subvencione, raporton EO.
“Do t’i inkuarojë qytetarët që të adoptojnë këto masa dhe benfiitet janë të shumëfishta jo vetëm nga kursimi financiar po do të ndikojnë edhe për një shëndet më të mirë. Jemi të përkushtuar për të mbështetur Kosovën për një energji të pastër”, tha Buanciardi.
