Policia ka bllokuar hyrjen në godinën e universitetit dhe u ka kërkuar demonstruesve që të lirojnë vullnetarisht ambientet
Një protestë propalestineze filloi sot në Universitetin e Amsterdamit ndërsa studentët pushtuan një ndërtesë të universitetit, raportojnë mediat lokale, transmeton Anadolu.
Agjencia e lajmeve ANP raportoi se policia ka paraqitur një kallëzim për akte vandalizmi kundër protestuesve, të cilët kërkojnë përfundimin e luftës së Izraelit në Gaza.
Policia ka bllokuar hyrjen në godinën e universitetit dhe u ka kërkuar demonstruesve që të lirojnë vullnetarisht ambientet.
Më shumë se 35.000 palestinezë janë vrarë dhe mbi 76.600 të tjerë janë plagosur në ofensivën brutale izraelite në Rripin e Gazës që nga sulmi i grupit palestinez Hamas më 7 tetor të vitit të kaluar, në të cilin Tel Avivi thotë se u vranë 1.200 njerëz.
