Sistemi i parë i mbrojtjes ajrore i Turqisë në arkitekturën e shpërndarë kombëtare dhe vendore, HİSAR O, realizoi me sukses goditjen e parë me rreze të gjatë në kuadër të fitimit të aftësisë për Projektin e Prodhimit në Seri. Turqia po korr frytet e hapave të saj në industrinë e mbrojtjes vitet e fundit.
Ajri, toka, deti… Platforma të reja të pajisura me teknologji të reja në çdo fushë përfundojnë një nga një testet e tyre dhe hyjnë në inventarin e ushtrisë.
REALIZOI ME SUKSES
HİSAR O, që hyri në prodhim seri në një nivel të lartë, realizoi me sukses goditjen e parë me rreze të gjatë.
“GODITJA DIREKTE SHKATËRROI OBJEKTIVIN”
Kryetari i Industrisë së Mbrojtjes, Prof. Dr. Haluk Görgün, bëri një vlerësim në kuadër të Aktivitetit të Testimit me Qitje të zhvilluar më 14 gusht 2024:
Me fuqinë e inxhinierisë sonë kombëtare, ne po forcojmë mburojat teknologjike të qiejve tanë. HİSAR O, në testimin e qitjes së realizuar në kuadër të fitimit të aftësisë për Projektin e Prodhimit në Seri, me raketën me kërkues RF të lëshuar nga Bateria e HİSAR O në Konfiguracionin e Prodhimit në Seri, objektivi u shkatërrua me një goditje direkte në mbi 40 km.
AFTËSITË MANOVRUESE NË DISTANCË TË GJATË I JANË SHTUAR SISTEMEVE HİSAR O
Në kuadër të Projektit të Prodhimit në Seri të HİSAR-it të filluar nga Kryesia e Industrisë së Mbrojtjes; përditësimet për përmirësimin e performancës në arkitekturën e Kontrollit të Qitjes/Kontrollit të Komandës, kalimi në infrastrukturën e komunikimit IP, radari i gjeneratës së re me aftësi për të zbuluar objektivin nga distanca më të largëta, softueri i avancuar i udhëzimit/kontrollit në kuadër të raketës dhe aftësitë manovruese në distancë të gjatë janë shtuar në sistemet HİSAR O.
Duke theksuar se aktivitetet për rritjen e diapazonit të efektivitetit të Sistemit HİSAR O me përfitimet teknologjike të gjeneratës së re do të vazhdojnë, Haluk Görgün tha: “Me këtë rast, dua të përgëzoj nga zemra inxhinierët tanë të ASELSAN dhe ROKETSAN, që punuan ditë e natë, dhe e bënë të mundur këtë sukses, duke shtuar aftësi të reja.”
DO TË HYJË NË INVENTAR DERI NË FUND TË VITIT 2024
Dorëzimet e para të sistemit në konfiguracionin e gjeneratës së re, i cili do të përbëjë shtyllën kurrizore të “Kupolës së Çeliktë”, pritet të hyjnë në inventar deri në fund të vitit 2024.
