Shtetet e Bashkuara kanë ndërmarrë një lëvizje strategjike të rëndësishme ushtarake, duke dërguar bombarduesit stealth B-2 Spirit nga baza Whiteman në Missouri drejt Diego Garcias, një bazë ajrore amerikane në Oqeanin Indian, e njohur si pika më e afërt amerikane ndaj Iranit për operacione të mëdha ajrore.
Sipas UK Defense Journal, tetë avionë për dopim në ajër KC-135 Stratotanker mbështetën nisjen e bombarduesve, gjë që sugjeron një operacion me rreze të zgjatur dhe potencialisht të rëndësishëm. Avionët B-2 përdorën pozivni znak (thirrje radio) “MYTEE21”, që më herët ka qenë i lidhur me misione të profilit të lartë dhe të fshehta.
Kjo lëvizje vjen si pjesë e një mobilizimi të gjerë të mjeteve ajrore dhe detare të SHBA-së drejt Evropës dhe Lindjes së Mesme, përfshirë bombardues, avionë luftarakë, platforma zbulimi dhe dy aeroplanmbajtëse.
Çfarë e bën B-2 Spirit një armë kaq të veçantë?
- Është bombarduesi më i sofistikuar në botë, me aftësi për të shmangur radarët dhe për të depërtuar në objektiva të mbrojtur rëndë.
- Mund të bartë armë konvencionale dhe bërthamore, përfshirë GBU-57 “Massive Ordnance Penetrator” (MOP) – një bombë me peshë 14 tonësh, projektuar për të shkatërruar objektiva në thellësi të tokës dhe betonit.
- Mund të fluturojë mbi 11.000 kilometra pa nevojë për furnizim me karburant, dhe është projektuar për sulme me rrezik të lartë në distanca të gjata.
Ndërkohë që nuk ka njoftime për një sulm të menjëhershëm, koha dhe shkalla e këtij zhvillimi janë domethënëse, duke marrë parasysh tensionet aktuale mes SHBA-së dhe Iranit, veçanërisht në lidhje me programin bërthamor iranian.
Ish-presidenti Trump ka dhënë një afat dyjavor për marrëveshje me Iranin, duke paralajmëruar mundësinë e ndërhyrjes ushtarake në përkrahje të Izraelit, në rast të dështimit të diplomacisë.
Prania e B-2 në rajon – me aftësinë për të sulmuar objektiva që janë të paarritshëm për raketa konvencionale ose bomba të zakonshme – përfaqëson një paralajmërim serioz për Teheranin se SHBA-të janë të përgatitura për opcionin ushtarak më të sofistikuar që kanë në arsenalin e tyre.
