Duke folur në Forumin Ekonomik Ndërkombëtar në Shën Petersburg, presidenti rus Vladimir Putin shprehu shqetësimin për tensionet gjithnjë e më të mëdha globale dhe mundësinë e shpërthimit të një konflikti të madh.
I pyetur nëse mendon se bota po shkon drejt Luftës së Tretë Botërore, Putin u përgjigj me seriozitet:
“Është shqetësuese. Po flas pa ironi, pa shaka.”
Fillimisht u ndal te lufta në Ukrainë, pastaj te konflikti mes Izraelit dhe Iranit.
“Sigurisht që ekziston potencial i madh për konflikte. Ai po rritet dhe është fjalë për fjalë para nesh – dhe na prek drejtpërdrejt,” tha ai.
“Kjo, natyrisht, kërkon nga ne jo vetëm ndjekje të kujdesshme të gjithçkaje që po ndodh, por edhe kërkim zgjidhjesh… mundësisht në mënyrë paqësore, në të gjitha drejtimet,” përfundoi presidenti rus.
