Cuomo, është akuzuar për ngacmim seksual në vitin 2018 nga ish-këshilltarja i tij Lindsey Boylan
Guvernatori i shtetit amerikan të New York-ut, Andrew Cuomo, është akuzuar për ngacmim seksual nga ish-këshilltarja i tij, Lindsey Boylan, transmeton Anadolu Agency (AA).
Në një artikull të botuar në faqen e internetit “Medium”, Boylan pretendoi se guvernatori Cuomo ka shfaqur sjellje të papërshtatshme ndaj saj në zyrën e tij në vitin 2018.
Ndërkaq, në një deklaratë në përgjigje ndaj akuzave, këshilltarja për shtyp e guvernatorit, Caitlin Girouard, i quajti “tërësisht të gabuara” pretendimet ndaj Cuomo-s.
Boylan, aktualisht kandidate për kryetare bashkie në Manhattan, për herë të parë ngriti pretendimet ndaj Cuomo-s për ngacmime seksuale në llogarinë e saj në Twitter në dhjetor të vitit 2020.
