Në kufirin polako-rus u prezantua vetëm një pjesë e fortifikimeve inxhinierike të ndërtuara si pjesë e projektit “Mburoja Lindore”, një sistem mbrojtjeje përgjatë kufirit me Rusinë.
Në total po fortifikohet një zonë afërsisht 800 kilometra e gjatë, që përfshin ndërtimin e bazave ushtarake, qendrave logjistike, depove dhe vendosjen e sistemeve për luftën kundër dronëve.
“Ky projekt është një program i shumëfishtë që përfshin sisteme zbulimi, paralajmërimi të hershëm, lëvizshmëri dhe bllokimi,” deklaroi zëvendësshefi i Shtabit të Përgjithshëm të Ushtrisë Polake, gjeneral-kolonel Stanisław Czosnek.
Në fund të nëntorit, pranë fshatit Dąbrowska, në komunën Budry, u ndërtua segmenti i parë i Mburojës Lindore. Zona në këtë vend, e njohur si lugina e Węgorapa-s, paraqet një terren të sheshtë të ndërprerë me moçale.
Kufiri mes Polonisë dhe Rusisë është 210 kilometra i gjatë – pjesa tokësore kalon përmes vojvodinës Varmijsko-Mazurskie.
