Ministri i Jashtëm i Norvegjisë Espen Barth Eide tha se nëse urdhri i Gjykatës Penale Ndërkombëtare për kryeministrin izraelit Benjamin Netanyahu konfirmohet, vendi do ta arrestojë atë nëse ai përpiqet të hyjë në territorin e tij.
Barth Eide konfirmoi të njëjtën gjë për ministrin e Mbrojtjes të Izraelit, Yoav Gallant, si dhe për tre zyrtarë të Hamasit, për të cilët Gjykata Penale Ndërkombëtare propozoi lëshimin e një urdhër-arresti.
“Nëse ata ose një nga liderët e Hamasit që janë gjithashtu të paditur shfaqen në Norvegji, atëherë sipas ligjit ndërkombëtar ne jemi të detyruar ta bëjmë këtë. I njëjti parim vlen për të gjitha vendet në Evropë, përveç Turqisë,” tha Eide për televizionin norvegjez TV 2. .
Propozimi i Gjykatës Ndërkombëtare Penale në Hagë u mbështet, ndër të tjera, nga Franca, Sllovenia dhe Belgjika.
Nga ana tjetër, futja e Netanyahut dhe Gallantit në listën e liderëve të Hamasit u dënua nga administrata e presidentit amerikan Joe Biden.
