Futbollistët e Spanjës dhe Argjentinës po luajnë aktualisht vazhdimet në finalen e Kupës së Botës, ndërsa gjatë 90 minutave të rregullta pamë një dominim të jashtëzakonshëm të “Furisë së Kuqe”.
Spanja dominoi si në posedimin e topit, ashtu edhe në rastet e krijuara, ndërsa heroi absolut i kohës së rregullt ishte portieri i argjentinasve, Emiliano Martínez.
Martínez regjistroi një numër të madh pritjesh, disa prej të cilave ishin spektakolare, dhe ishte më meritori që ndeshja shkoi në vazhdime.
Ajo që përbën një të dhënë tronditëse është fakti se Argjentina, gjatë 90 minutave të lojës, përfshirë edhe kohën shtesë të akorduar nga gjyqtari në të dyja pjesët, nuk realizoi as edhe një goditje të vetme drejt portës dhe, rrjedhimisht, asnjë goditje në kuadratin e portës.
Spanja padyshim e meriton titullin e kampiones së botës, por nëse do ta fitojë atë, mbetet të shihet në vazhdimin e ndeshjes.
