Trajneri i Bayern Munich, Vincent Kompany, u dërgua në spital pasi humbi ndjenjat teksa shikonte ekipin e dytë të klubit duke u stërvitur të premten.
40-vjeçari nuk ishte mirë me shëndet për shkak të një virusi dhe mungoi në konferencën për shtyp para ndeshjes së Ligës së Kampionëve të Bayernit kundër Arsenalit, megjithatë, belgu ishte në vijën anësore për ndeshjen.
“Vincent Kompany u detyrua të kërkonte trajtim mjekësor të premten pasi u rrëzua gjatë stërvitjes”, thuhet në një deklaratë nga klubi i Bundesligës.
Kompany do t’i nënshtrohet një ekzaminimi të plotë në spital dhe do të mbetet nën kujdesin mjekësor.
“Për momentin, stafi i tij i trajnerëve do të menaxhojë stërvitjen dhe operacionet e ndeshjeve”, thuhet më tej në njoftim.
Ndeshja e radhës e Bayernit është kundër Freiburgut në ligën e parë gjermane të dielën.
