Guterres i bëri thirrje Izraelit dhe Iranit t’i përmbahen armëpushimit dhe shprehu shpresën e tij që armëpushim të arrihet edhe në konfliktet e tjera në rajon
Sekretari i Përgjithshëm i OKB-së, Antonio Guterres u bëri thirrje Izraelit dhe Iranit t’i përmbahen armëpushimit dhe shprehu shpresën që armëpushim të arrihet edhe në konfliktet e tjera në rajon, transmeton Anadolu.
Guterres ndau një postim në llogarinë e mediave sociale X në lidhje me armëpushimin e arritur midis Izraelit dhe Iranit.
Ai tha se është i kënaqur me njoftimin e presidentit të SHBA-së, Donald Trump për arritjen e armëpushimit midis Izraelit dhe Iranit. Guterres tha se konflikti duhet të përfundojë.
Guterres i bëri thirrje Izraelit dhe Iranit t’i përmbahen armëpushimit dhe shprehu shpresën e tij që armëpushim të arrihet edhe në konfliktet e tjera në rajon.
Kreu i OKB-së thekson se popujt e të dy vendeve janë përballur me shumë vuajtje.
