Sot po mbahen ushtrimet zyrtare të European Team Shield Championship – Malta 2026, kampionat i organizuar nga European Golf Association, ku Kosova po merr pjesë për herë të parë në historinë e saj të golfit.
Përfaqësuesja e Kosovës do të garojë me lojtarët Albin Arifi, Azer Bislimaj, Mërgim Gjinovci dhe Qëndrim Alija, nën mbikëqyrjen e kapitenit Arif Arifi, të cilët do të mundohen të japin maksimumin e tyre në përfaqësim të Republikës së Kosovës.
Mbështetja e Ministrisë së Sportit është gjithashtu pjesë e vazhdimësisë së përkrahjes për sukseset e Federatës së Golfit të Kosovës.
Kosova po shkruan një kapitull të ri në historinë e golfit, duke u paraqitur për herë të parë në një garë të tillë ndërkombëtare.
