Bastisjet dhe provokimet që hebrenjtë fanatikë kryejnë në Xhaminë Al-Aksa shkaktojnë përshkallëzimin e tensioneve në rajon
Kolonët fanatikë hebrenj, nën mbrojtjen e policisë izraelite, bastisën Xhaminë Al-Aksa në Kudsin Lindor të pushtuar dhe bënë një provokim duke ngritur një flamur izraelit, transmeton Anadolu.
Për bastisjen e kolonëve fanatikë hebrenj ndaj Xhamisë al-Aksa me justifikimin e ditës së pavarësisë kombëtare, policia izraelite bllokoi rrugët që çojnë në zonën e Qytetit të Vjetër me barriera hekuri që nga orët e mëngjesit. Policia ndaloi të hynin palestinezët që nuk ishin banorë të Qytetit të Vjetër.
Në të njëjtën kohë, policia izraelite bastisi Xhaminë Al-Aksa në orët e mëngjesit dhe u vendos në oborr, ndërsa mbylli portat e Al-Aksas për myslimanët.
Kolonët fanatikë hebrenj nën mbrojtjen e policisë izraelite, hynë në grupe në Xhaminë Al-Aksa përmes Portës Al-Magharibah (Marok) të Xhamisë Al-Aksa dhe e bastisën atë.
Në pamjet e ndara në mediat sociale, një kolon fanatik hebre shihet duke shpalosur një flamur izraelit në Xhaminë Al-Aksa. Ka tërhequr vëmendjen se edhe dy kolonë fanatikë hebrenj po ecnin rreth oborrit të Al-Aksa me flamurin izraelit në shpinë.
Sipas një deklarate të bërë nga Administrata e Vakëfeve Islame të Kudsit thuhet se 423 kolonë fanatikë hebrenj bastisën Xhaminë al-Aksa në mëngjes me justifikimin e ditës së pavarësisë kombëtare të Izraelit. Kolonët hebrenj që ngritën flamurin izraelit në Al-Aksa u përballën vetëm me një paralajmërim verbal nga policia izraelite.
Bastisjet dhe provokimet që hebrenjtë fanatikë kryejnë në Xhaminë Al-Aksa shkaktojnë përshkallëzimin e tensioneve në rajon.
Në Izrael deri në mbrëmje do të zhvillohen aktivitete me rastin e festës kombëtare të pavarësisë.
Palestinezët, të cilët u dëbuan nga tokat e tyre me krijimin e Izraelit në vitin 1948, do të organizojnë aktivitete për të përkujtuar “Fatkeqësinë e Madhe” (Nakba) më 15 maj.
– Status quo-ja në lidhje me Xhaminë Al-Aksa
Jordania konsiderohet vendi përgjegjës për çështjet fetare në Kuds, në përputhje me Marrëveshjen Wadi Araba të nënshkruar me Izraelin në 1994.
Sërish sipas marrëveshjes së nënshkruar mes mbretit Abdullah II të Jordanisë dhe presidentit palestinez Mahmoud Abbas në vitin 2013, e drejta për mbrojtjen dhe kujdestarinë e Kudsit dhe vendeve të shenjta atje iu dha Jordanisë.
Sipas marrëveshjes, Xhamia Al-Aksa është nën kujdesin e Administratës së Vakëfeve Islame të Kudsit e cila është e lidhur me Ministrinë e Vakëfeve, Çështjeve Islame dhe Vendeve të Shenjta të Jordanisë.
Hebrenjtë të cilët më parë vizitonin Xhaminë Al-Aksa me lejen e Administratës së Vakëfeve Islame të Kudsit, që nga viti 2003 e deri më sot, nën shoqërimin e policisë hyjnë në vendet e shenjta në kuadrin e vendimit të njëanshëm të Izraelit i cili shkel sovranitetin e Administratës së Vakëfeve.
Administrata izraelite mbron idenë se po ruhet status quo-ja historike ku në Xhaminë Al-Aksa “mund të adhurojnë vetëm muslimanët dhe anëtarët e feve të tjera vetëm mund të kryejnë vizita”.
Por, kolonët fanatikë hebrenj janë kapur shpesh në kamera duke u lutur dhe duke kryer rituale fetare gjatë bastisjeve që ata kryejnë në Al-Aksa nën mbrojtjen e policisë izraelite.
