Forcat e Mbrojtjes të Izraelit njoftuan se aktivitetet edukative dhe tubimet do të pezullohen pas orës 23:00 të së shtunës deri në orën 23:00 të së hënës, për shkak të frikës së një sulmi nga Irani.
Tubimet tashmë janë të kufizuara në një maksimum prej 1,000 personash rreth kufirit të Gazës dhe në veri rreth kufirit me Libanin, dhe masat shtesë janë duke u forcuar, pas asaj që IDF e përshkroi si një “vlerësim të situatës”.
“Këtë javë ne vlerësuam situatën dhe miratuam planet për t’u përgatitur për një sulm nga Irani… Duke filluar nga nesër në mëngjes dhe ditët në vijim, aktivitetet edukative, programet dhe udhëtimet shkollore nuk do të mbahen,” tha zëdhënësi i IDF, Daniel Hagari në një deklaratë video lëshuar të shtunën.
Ndonëse shumica e institucioneve arsimore aktualisht janë të mbyllura për festën e Pashkës, Hagari thotë se kjo ndalon edhe udhëtimet shkollore dhe çdo aktivitet tjetër jashtëshkollor, të cilat zakonisht organizohen edhe kur shkollat janë të mbyllura.
Ai tha gjithashtu se mbrojtja ajrore izraelite “është në gatishmëri” dhe se “dhjetëra avionë janë gati në qiell”.
Ministri i Mbrojtjes Yoav Gallant po mban një vlerësim të situatës me shefin e shtabit të IDF-së gjeneral-lejtant Herzi Halevi dhe zyrtarë të tjerë të mbrojtjes, tha zyra e tij. Takimi u zhvillua në mes të një sulmi të pritshëm iranian ndaj Izraelit.
Kryeministri izraelit Benjamin Netanyahu është gjithashtu rrugës për në selinë ushtarake Kirya IDF, për të mbërritur për konsultime me forcat më të larta ushtarake.
Tensionet janë rritur pasi Izraeli sulmoi konsullatën iraniane në Siri. Iranianët po përgatisin një përgjigje dhe Izraeli thotë se janë gati për të dhe se po i presin. Zhvillimi i fundit ndodhi sot kur iranianët kapën një anije mallrash të supozuar izraelite pranë ngushticës së Hormuzit.
Për shkak të kësaj situate, shumë vende u kanë kërkuar qytetarëve të tyre që të mos udhëtojnë në Iran, Izrael, Liban dhe territoret e pushtuara palestineze, dhe disa kompani kanë anuluar fluturimet drejt këtyre vendeve.
