Pas dëbimit nga Izraeli, Greta Thunberg mbërriti në Paris me duart e lidhura me pranga. Në deklaratën e saj të parë, ajo tha: “Na detyruan të shohim çdo lloj videoje propagandistike, por unë nuk i pashë. Kjo nuk krahasohet me atë që po ndodh në Gaza, ku ka nevojë urgjente për ndihmë humanitare.” Anija me emrin “Madleen”, që po transportonte ndihma humanitare drejt Gazës dhe në të cilën ndodheshin edhe shtetas turq, u sulmua nga Izraeli.
Izraeli tregoi edhe një herë mizorinë e tij përpara gjithë botës.
Personat që ndodheshin në bord u ndaluan nga autoritetet izraelite, dhe më pas filluan procedurat për dëbimin e tyre.
Ministria e Punëve të Jashtme të Izraelit njoftoi se aktivistja suedeze Greta Thunberg dhe tre aktivistë të tjerë u dëbuan nga Izraeli përmes një avioni francez.
ZBRITI NË PARIS: ME PRANGA
Në një postim në rrjetin X, Ministria izraelite publikoi një fotografi të Thunberg në avion, duke treguar se ishte nisur drejt Francës.
Greta Thunberg ishte njëra nga 12 pasagjerët e anijes “Madleen”, që kishte për qëllim dërgimin e ndihmës humanitare në Gaza, për njerëzit e dëmtuar nga lufta.
Pak më parë, Thunberg zbriti në Paris, dhe u vu re se kishte pranga në duar.
DEKLARATA E PARË NË AEROPORT
Pas zbritjes, ajo foli me gazetarët dhe theksoi se ky nuk do të jetë veprimi i saj i fundit:
“NUK I KEMI SHKELUR LIGJET”
Ishim plotësisht të vetëdijshëm për rreziqet e këtij misioni. Edhe më parë ka pasur flotilje që janë sulmuar, ndalur ose kanë arritur në Gaza.
Qëllimi ynë ishte i qartë: të arrinim në Gaza dhe të shpërndanim ndihmat humanitare. Ne ishim 12 vullnetarë paqësorë në një anije ndihmash humanitare në ujërat ndërkombëtare. Nuk kemi shkelur asnjë ligj. Nuk kemi bërë asgjë të keqe.
“NUK DO TË NDALOJMË”
Një gjë është e sigurt: nuk do të ndalojmë. Do të vazhdojmë të bëjmë gjithçka që mundemi, sepse kjo është ajo që u kemi premtuar palestinezëve. Çdo ditë do të përpiqemi në çdo mënyrë që të kërkojmë fundin e mizorive që po kryen Izraeli.
“KA NJË MARSHIM TJETËR TË PLANIFIKUAR”
Kur u pyet nëse do të përpiqet përsëri personalisht të thyejë bllokadën ndaj Gazës, ajo nuk premtoi konkretisht, por përmendi një marshim tjetër që është tashmë i planifikuar.
Thunberg e përfundoi fjalën duke thënë: “Kjo nuk është fundi. Sigurisht që do të vazhdojë.”
