Presidenti amerikan Donald Trump e ka quajtur “gjueti shtrigash” procesin gjyqësor ndaj kryeministrit izraelit Binyamin Netanyahu dhe ka kërkuar që çështja të anulohet menjëherë. Në një postim në rrjetet sociale, Trump deklaroi se ai dhe Netanyahu kanë kaluar bashkë “ferrin” dhe kanë arritur një fitore të madhe kundër armikut të përjetshëm të Izraelit – Iranit.
Trump u shpreh se askush në historinë e Izraelit nuk ka luftuar me aq vendosmëri sa Netanyahu dhe se thirrja e tij në gjykatë të hënën është një padrejtësi.
“Çështja duhet të anulohet menjëherë”
Duke e quajtur Netanyahu-n një “hero të madh që ka bërë shumë për shtetin”, Trump kërkoi ose anulimin e akuzave, ose falje për të.
Ai theksoi gjithashtu: “Askush nuk mund të punojë më mirë me mua sesa Netanyahu. Ishin Shtetet e Bashkuara që e shpëtuan Izraelin, dhe tani do të jenë po ato që do ta shpëtojnë edhe Netanyahu-n. Ky turp i drejtësisë së rreme është i papranueshëm.”
