Danimarka po përpiqet të rrisë numrin e të rinjve në ushtri duke zgjeruar për herë të parë regjistrimin e detyrueshëm edhe te gratë. Meshkujt dhe gratë mund të vazhdojnë të bëhen vullnetarë, kurse vendet e mbetura do të plotësohen përmes “lotarisë neutrale ndaj gjinisë”.
Katrine dhe ushtaret e tjera, të cilat folën për Associated Press me kusht që të përdoren vetëm emrat e tyre për sigurinë operative, u regjistruan vullnetarisht për shërbim ushtarak më herët këtë vit. Deri tani ky ka qenë i vetmi mënyrë për gratë të bëhen pjesë e Forcave të Armatosura.
“Në situatën ku ndodhet bota sot, kjo është e domosdoshme. Mendoj se është e drejtë dhe e saktë që gratë të marrin pjesë në mënyrë të barabartë me burrat,” tha Katrine.
Sipas rregulloreve të reja, të miratuara nga Parlamenti danez më herët në qershor, danezet që plotësojnë 18 vjeç pas së martës do të përfshihen në sistemin e lotarisë, në mënyrë të barabartë me bashkëqytetarët e tyre. Ky ndryshim vjen në sfondin e agresionit rus dhe rritjes së investimeve ushtarake në vendet e NATO-s.
Edhe nga siguria relative e Danimarkës, pushtimi rus i Ukrainës hedh hije, dhe mësimet nga fronti ukrainas janë futur në trajnimet e tyre.
Reformat për barazinë gjinore në Danimarkë u parashikuan fillimisht në 2024 si pjesë e një marrëveshjeje të madhe mbrojtjeje. Fillimisht pritej që programi të zbatohej deri në fillim të 2027-ës, por u shty në verën e 2025-ës.
Sipas ligjit danez, të gjithë burrat fizikisht të aftë mbi 18-vjeç thirren për shërbim ushtarak. Megjithatë, duke qenë se zakonisht ka mjaft vullnetarë, funksionon një lotari dhe jo të gjithë të rinjtë shërbejnë. Gratë, përkundrazi, më parë mund të regjistroheshin vetëm vullnetarisht.
Gjithashtu, zgjatet koha e shërbimit nga katër në 11 muaj. Rekrutët do të kalojnë fillimisht pesë muaj në trajnimin bazë, pasuar nga gjashtë muaj shërbim operativ, plus leksione shtesë.
Planet e reja
Ky hap është pjesë e një ndërtimi më të gjerë ushtarak të kombit nordik. Qeveria daneze në shkurt shpalli plane për forcimin e ushtrisë, duke krijuar një fond shtatë miliardë dollarësh, për të cilin tha se do të rrisë shpenzimet e mbrojtjes mbi tre për qind të PBB-së këtë vit. Pjesë të programit të rekrutëve financohen nga një “fond për përshpejtim”.
“Po vërejmë një situatë të tensionuar sigurie në Evropë. Ka konflikt të vazhdueshëm në Ukrainë. Jemi të fokusuar në vendet baltike ku Danimarka ofron shumë ushtarë. Pra, mendoj se është një përpjekje e përgjithshme për të forcuar mbrojtjen daneze,” tha studiuesja Rikke Haugegaard nga Kolegji Mbretëror Danez i Mbrojtjes.
Megjithatë, Haugegaard nënvizon se ka shumë sfida, nga pajisjet e dobëta e deri te mungesa e barakave shtesë, si dhe rastet potenciale të ngacmimeve seksuale.
Shtet fqinje si Suedia e kanë nisur pozivin ushtarak për të dyja gjinitë që në 2017, pas përkeqësimit të klimës së sigurisë në Evropë, ndërsa Norvegjia hyri me ligjin e saj për detyrimin ushtarak për të dy gjinitë që në 2013.
