Qeveria në Londër do të ngrijë pasuritë e Ben Gvir dhe Smotrich në Britani dhe do të vendosë ndalim udhëtimi për ministrat ekstremistë të djathtë.
Bota është ngritur kundër gjenocidit që po ndodh në Gaza.
Si pasojë e sulmeve të shtetit vrasës të Izraelit, mijëra njerëz kanë humbur jetën.
BRITANIA PO PËRGATITET PËR SANKSIONE
Britania dhe vende të tjera që veprojnë në bashkërendim janë duke u përgatitur për të vendosur sanksione ndaj dy ministrave izraelitë të ekstremit të djathtë, Itamar Ben-Gvir dhe Bezalel Smotrich, për shkak të luftës në Gaza.
PASURITË DO TË NGRIHEN
Sipas një raporti të gazetës britanike The Times, Britania do të ngrijë pasuritë që këta dy ministra kanë në Britani dhe do t’u ndalojë hyrjen në vend.
Londra do t’u bashkohet në këtë veprim Kanadasë, Australisë, Zelandës së Re dhe vendeve të tjera.
RRITET PRESIONI NDAJ NETANYAHU-T
Ashtu si vendet e tjera evropiane, Britania po rrit presionin ndaj qeverisë së Binyamin Netanyahu-t që të japë fund bllokadës ndaj ndihmave për Gazën, e cila po përballet me uri.
Muajin e kaluar, Britania pezulloi bisedimet për tregti të lirë me Izraelin për shkak të politikave të tmerrshme të këtij të fundit në Bregun Perëndimor dhe në Gaza, thirri ambasadorin izraelit dhe shpalli sanksione të reja kundër kolonëve në Bregun Perëndimor.
DEKLARATË NGA IZRAELI: DO TË KUNDËRPËRGJIGJEMI
Ka ardhur edhe reagimi nga Izraeli për vendimin e Britanisë.
Ministria e Jashtme izraelite e cilësoi vendimin si “provokues dhe të zemërueshëm”.
U bë e ditur se në fillim të javës së ardhshme do të ketë një përgjigje ndaj këtij vendimi “të papranueshëm”.
