Presidenti turk, Recep Tayyip Erdogan, ka thënë se planifikon të forcojë aftësitë parandaluese të vendit në mënyrë që asnjë vend të mos guxojë ta sulmojë atë.
Erdogan njoftoi këtë javë planet për të rritur prodhimin e raketave me rreze të mesme dhe të gjatë veprimi në Turqi, ndërsa lufta midis Izraelit dhe Iranit përshkallëzohet.
Bëhet e ditur se ai diskutoi luftën Iran-Izrael me kancelarin gjerman Friedrich Merz në një telefonatë.
Erdogan i tha Merz se çështja bërthamore iraniane mund të zgjidhet vetëm përmes negociatave.
Pavarësisht marrëdhënieve të tensionuara të Turqisë me Izraelin, analistët dhe zyrtarët nuk shohin një kërcënim të menjëhershëm të përhapjes së konfliktit në Turqinë anëtare të NATO-s.
Megjithatë, disa e shohin veprimin e Erdoganit si një shenjë se lufta Izrael-Iran mund të shkaktojë një garë të re armatimesh në rajon, me vendet që nuk janë të përfshira drejtpërdrejt në konflikt që po shtojnë përpjekjet e tyre ushtarake për të parandaluar konflikte të ardhshme,
Ushtria izraelite refuzoi të komentojë mbi planet e Turqisë për të rritur prodhimin e raketave, por Ministri i Jashtëm izraelit Gideon Saar iu përgjigj kritikave të Erdoganit ndaj Izraelit për sulmin e tij ndaj Iranit.
Ai e akuzoi Erdoganin se ka “ambicie imperialiste” dhe se ka “vendosur një rekord në shtypjen e lirive dhe të drejtave të qytetarëve të tij, si dhe të opozitës së vendit të tij”.
Ndërkohë, Erdogan tha se “po bëjnë plane prodhimi për të sjellë rezervat e raketave me rreze të mesme dhe të gjatë veprimi në një nivel që siguron frenim, në dritën e zhvillimeve të fundit”.
“Me vullnetin e Zotit, në një të ardhme jo shumë të largët, ne do të arrijmë një kapacitet mbrojtës aq të fortë sa askush nuk do të guxojë të veprojë ashpër ndaj nesh”, tha Erdogan.
