Një grup veteranësh veteranësh janë bashkuar në themelimin e një fondacioni të quajtur “Don’t Forget”.
Ky fondacion është krijuar nga veteranët që ishin pjesë e brigadës 111 “Adem Jashari”, shkruan Lajmi.net.
Ky fondacion ka njoftuar se do të iniciohet ndërtimi i kazermës së UÇK-së të kësaj brigade në zonën e Drenicës.
Ky fondacion ka zgjedhur edhe bordin me 5 anëtarë dhe Drejtorin Ekzekutiv, Ferid Berishën.
Njoftimi i plotë:
Themelohet Fondacioni i Veteranëve të UÇK-së “Don’t Forget”
Veteranët e Brigadës 111 “Adem Jashari” kanë themeluar Fonadacionin e Veteranëve “Don’t Forget”.
I pari projekt që do iniciohet nga ky fondacion është rikonstruksioni dhe ndërtimi i kazermës së UÇK-së së kësaj brigade në Drenicë, e cila gjatë luftës është ndërtuar dhe shfrytëzuar nga kjo brigadë.
Pesë anëtarët e Bordit të Fonadacionit janë:
Ferid Berisha – Shkupi, veteran i Brigadës 111 “Adem Jashari”
Esat Qollaku, veteran i Brigadës 111 “Adem Jashari” dhe veteran luftëtar i Republikës së Kroacisë
Fehmi Podrimçaku, veteran i Brigadës 111 “Adem Jashari”
Hidaim Rama, veteran i Brigadës 111 “Adem Jashari”
Shpëtim Musliu, veteran i Brigadës 111 “Adem Jashari”
Bordi mori vendim që Ferid Berisha të jetë Drejtor Ekzekutiv i Fondacionit.
Përfaqësues nga Fondacioni do të marrin pjesë në disa ceremoni në SHBA në festimin e 111 vjetorit të Pavarësisë së Shqipërisë dhe Ditës së Flamurit.
Në këto ceremoni do të prezantohet projekti për rikostruksionin dhe ndërtimin e kazermës si dhe do të prezantohet për herë të parë uniforma ceremoniale e veteranëve të UÇK-së e dizajnuar nga Fondacioni “Don’t Forget”.
