Bayraktar TB3 i Turqisë, i cili së fundmi shkroi historinë e aviacionit si droni i parë luftarak që mund të ngrihet dhe të ulet me sukses në një anije me pistë të shkurtër, ka arritur edhe një moment tjetër të rëndësishëm në programin e tij të zhvillimit.
Të martën, më 25 mars, Bayraktar TB3 u ngrit nga Dalaman, Muğla, duke mbartur raketën mbinadzorike IHA-122 të zhvilluar nga kompania Roketsan. Gjatë testimit të parë të qitjes, TB3 goditi me sukses një objektiv lundrues me përmasa 6×6 metra në det nga një distancë më e madhe se 50 kilometra.
Në një sulm të koordinuar, droni tjetër Bayraktar TB2 e shënjestroi objektivin me ndriçim lazeri nga ajri, pas së cilës TB3 e shkatërroi me saktësi. Ky test i suksesshëm tregoi aftësinë e dy dronëve luftarakë për të vepruar në mënyrë të sinkronizuar në shënjestro dhe neutralizim objektivash.
Gjiganti turk i mbrojtjes, Baykar, do të vazhdojë me testet e integrimit të armëve dhe ngarkesës në Bayraktar TB3 sipas planit të përcaktuar të zhvillimit.
Sukses historik në aviacion
Bayraktar TB3, i zhvilluar tërësisht në Turqi nga kompania Baykar, u ngrit me sukses nga një pistë e shkurtër me pjerrësi 12 gradë në bordin e anijes TCG Anadolu më 19 nëntor 2024. Ai kreu një fluturim testues historik prej 46 minutash në pikëtakimin e detit Egje dhe Mesdhe, duke u bërë droni i parë në botë që ulët në një pistë të shkurtër pa përdorur pajisje ndihmëse për ulje.
Duke vazhduar me testet në anije, TB3 gjatë fluturimit të dytë realizoi edhe dy ngritje dhe ulje të tjera pa pajisje ndihmëse ndërkohë që TCG Anadolu lundronte pranë brigjeve të Çanakalasë. Kjo aeroplan pa pilot e zhvilluar në vend përmbushi me sukses të gjithë parametrat e testimit, duke fluturuar në një lartësi mesatare prej 20.000 këmbësh.
Më 25 qershor 2024, TB3 përfundoi me sukses testin e performancës në lartësi të mëdha në Qendrën e Trajnimit dhe Testimit të Fluturimeve Baykar në Keşan, Edirne, duke arritur një lartësi prej 36.310 këmbësh. I pajisur me motorin vendas PD-170 të zhvilluar nga kompania TEI, ky dron arriti edhe një pikë kyçe në zhvillimin e tij. Megjithatë, rekordin kombëtar të lartësisë së fluturimit vazhdon ta mbajë Bayraktar Akıncı, gjithashtu produkt i Baykar-it, me 45.118 këmbë.
968 orë fluturim gjithsej
Deri më tani, Bayraktar TB3 ka arritur një total prej 967 orë e 55 minuta fluturim në testet e tij. Gjatë një fluturimi testues afatgjatë më 20 dhjetor 2023, droni fluturoi pa ndërprerje për 32 orë, duke përshkuar një distancë prej 5.700 kilometrash.
Më 26 mars 2024, TB3 fluturoi për herë të parë me sistemin elektro-optik ASELFLIR-500 për zbulim, vëzhgim dhe shënjestrim, të zhvilluar nga kompania turke Aselsan. Testi tregoi me sukses integrimin e këtij sistemi, i cili tejkalon performancën e zgjidhjeve të ngjashme në botë.
Me krahët e tij të palosshëm dhe kapacitetet e avancuara, Bayraktar TB3 është gati të bëhet droni udhëheqës në klasën e tij. I pajisur me komunikim jashtë vijës së shikimit (BLOS), do të mund të përdoret në misione të distancave të gjata.
Falë këtyre aftësive, Bayraktar TB3 do të shërbejë si faktor parandalues, duke kryer misione zbulimi, vëzhgimi, mbledhjeje të të dhënave të inteligjencës dhe sulme precize me armë të zgjuara ndaj objektivave jashtë vendit.
