Sot mbrojtja e shefit të Qeverisë e pengoi në punë gazetarën Blerta Dalloshi.
Për këtë rast kanë reaguar Asociacioni i Gazetarëve të Kosovës
Ata dënuan sjelljen e mbrojtjes së afërt të kryeministrit ndaj gazetares Dalloshi.
AGK po ashtu thanë se një malltretim i tillë i gazetarëve është i pa pranueshëm.
Ombrella e gazetarëve kërkuan nga policia që të hetohen sjelljet e personave në fjalë ndaj gazetares.
Njoftimi i plotë:
Mbrojtja e afërt e Kryeministrit pengon gazetaren Blerta Dalloshi Berisha
Asociacioni i Gazetarëve të Kosovës e dënon sjelljen e papranueshme të mbrojtjes së afërt të Kryeministrit të Kosovës, Albin Kurti ndaj gazetares së TV Klan, Blerta Dalloshi Berisha.
Në videon e publikuar nga kolegia, Dalloshi – Berisha, shihet një nga pjesëtarët e mbrojtjes së afërt duke kapur dhe shtyrë nga dora gazetaren, teksa ajo përpiqet ta bëjë një pyetje për kryeministrin.
Maltretimi në formë të tillë i gazetarëve është i papranueshëm, dhe ndikon në rritjen e pasigurisë për komunitetin medial në Kosovë.
AGK-ja, kërkon nga Policia e Kosovës që të hetojë sjelljen e personit në fjalë, dhe gjithashtu nga Kryeministri që të dënojë këtë sjellje dhe të mundësojë që gazetarët të bëjnë pyetjet në interes të publikut.
