Sipas gazetës Marca, prodhuesi gjerman i makinave Audi nuk do të jetë më sponsor i Real Madridit.
Mbretërit do të nënshkruajnë një kontratë të re me një tjetër markë të hënën.
Kontrata me Audi skadon më 30 qershor dhe nuk do të zgjatet, pasi të dyja palët nuk arritën të bien dakord për detajet financiare.
Përveç kësaj, Audi thuhet se vetëm planifikon të sponsorizojë Bayernin.
Që nga viti 2003, prodhuesi gjerman i makinave nga Ingolstadt i ka ofruar Realit automjete zyrtare me të cilat yjet lëvizin në stërvitje dhe takime zyrtare, por tani bashkëpunimit i ka ardhur fundi.
Megjithatë, fituesi i Champions League do t’u qëndrojë besnik makinave gjermane. Sipas Marca, BMW është sponsori i ri dhe bashkëpunimi duhet të shpallet të hënën.
BMW jo vetëm që do të ofrojë makina zyrtare për anëtarët e klubit në të ardhmen, por gjithashtu do të luajë një rol të spikatur në stadiumin e rinovuar Bernabeu. Përveç kësaj, të gjitha turnet e Real do të emërohen BMW.
