Policia e Kosovës ka publikuar fotografinë e një të dyshuari për “Vjedhje”, duke kërkuar nga qytetarët që ta identifikojnë.
“Me qëllim të zbatimit efikas të procedurës, kërkojmë nga publiku i gjerë kontributin qytetar që me informacionet e tyre të ndihmojnë në drejtim të identifikimit të personit të dyshuar sipas tipareve fizike apo lokalizimin e vendndodhjes së të dyshuarit të shpallur në kërkim”, thuhet në njoftim.
Policia thotë se pret informacione nga qytetarët që ta identifikojnë dhe arrestojnë sa më shpejtë të dyshuarin.
Njoftimi i plotë:
Person i shpallur në kërkim – Vjedhje
Prishtinë, 16 janar 2024- Policia e Kosovës, mbështetur në autorizimin e nxjerrë nga Prokuroria Themelore – Departamenti i Përgjithshëm, paraqet para jush fotografinë e të dyshuarit të shpallur në kërkim, i dyshuar për veprën penale;
“Vjedhja”, konform nenit 313 të KPRK-së.
Me qëllim të zbatimit efikas të procedurës, kërkojmë nga publiku i gjerë kontributin qytetar që me informacionet e tyre të ndihmojnë në drejtim të identifikimit të personit të dyshuar sipas tipareve fizike apo lokalizimin e vendndodhjes së të dyshuarit të shpallur në kërkim.
Ne vlerësojmë lartë bashkëpunimin me komunitetin për një shoqëri pa krim, andaj presim që informacionet tuaja t’i kontribuojnë identifikimit dhe arrestimit sa më të shpejtë të të dyshuarit.
