Instituti GAP ka publikuar një grafikë bazuar në të dhënat e Eurostat, që tregon shtetet e Bashkimit Evropian që lëshuan më së shumti leje të para qëndrimi për shtetasit e Kosovës gjatë vitit 2025.
Sipas të dhënave, gjatë vitit 2025, shtetasve të Kosovës iu lëshuan gjithsej 43,747 leje të para qëndrimi në vendet e BE-së.
Pjesa dërrmuese e këtyre lejeve, rreth 99 për qind, u lëshuan nga vetëm 10 shtete anëtare, ndërsa Gjermania kryeson bindshëm listën.
