Kryeministri i Kosovës, Albin Kurti, në Samitin e Bashkimit Evropian në Shkup, ka theksuar urgjencën e zgjerimit të BE-së për të përballuar agresionin rus dhe përcolli nevojën për ndërprerjen e kërcënimeve të sigurisë për të lehtësuar integrimin ekonomik në rajon.
“Kemi nevojë për zgjerim urgjent, për shkak se agresioni rus po vazhdon në Ukrainë. Duhet të jetë mundësi për bashkëpunim të fuqishëm rajonal. Kosova është e gatshme për reforma, që rajoni të integrohet dhe qytetarët të përafrohen”, ka deklaruar Kurti.
Kryeministri gjithashtu theksoi nevojën për ndërprerjen e kërcënimeve dhe promovimin e bashkëpunimit mes shteteve dhe institucioneve.Ai ka thënë se integrimi thellë dhe rritja e qarkullimit të mallrave dhe njerëzve kërkon besim të ndërsjellë dhe marrëdhënie normale mes shteteve dhe institucioneve.“Integrimi më i thellë dhe rritja e qarkullimit të mallrave dhe njerëzve, kërkon besim të ndërsjellë e marrëdhënie normale mes shteteve tona, institucioneve e njerëzve tanë. Kjo nuk mund të ndodhë nëse liritë për qarkullimin e mallrave shfrytëzohen për t’i lëvizur armët e municionin apo për t’i sponsorizuar sulmet terroriste”, ka thënë Kurti.
“BE-ja paraqet zgjedhje strategjike të lidershipit të një shteti. Është detyra jonë të reformohemi e plotësojmë kushtet, e BE-ja të gjykojë më pas bazuar në merita”, ka shtuar Kurti.
Kryeministri Kurti po ashtu theksoi se liritë për qarkullimin e mallrave nuk duhet të shfrytëzohen për qëllime të dyshimta si lëvizja e armëve apo sponsorizimi i sulmeve terroriste.
