Faqja zyrtare e Federatës Botërore të Tenisit (ATP) ka vendosur ditën e sotme në fotografinë e profilit në “Facebook” flamurin “Autochthonous”, me figurat e Ismail Qemalit e Isa Boletinit.
Bashkangjitur fotografisë së postuar në faqen zyrtare të ATP-së, është uruar festa e Pavarësisë së Shqipërisë, e 28 nëntorit, në gjuhën angleze, bashkangjitur me fjalinë, “Gëzuar Ditën e Pavarësisë”, në shqip.
Megjithatë, shumë shpejt ajo foto u fshi nga faqja e ATP-së, për t’u zëvendësuar me logon e saj zyrtare. Në faqe nuk u dha një shpjegim nëse profili ishte hakuar, ndonëse fotografia me flamurin e Shqipërisë është ende në Facebookun e ATP-së, por jo në profil.
