Ushtria izraelite me të gjitha mjetet propagandistike përpiqet të provokojë anëtarët e Hamasit, dhe në këtë drejtim përdor cigare.
Sipas mediave izraelite, gjatë disa ditëve të fundit, nga avionët në zonën e Khan Yunisit në jug të Gazës, përveç fletëpalosjeve propagandistike, janë hedhur edhe cigare.
Edhe pse më parë IDF-ja pretendonte se hedh fletëpalosje në rast njoftimi për sulm në zonat e Rripit të Gazës ose për ofrimin e shpërblimeve për informacione rreth liderëve të Hamasit, këtë herë situata është ndryshe.
Në vend të mesazheve, banorët kanë marrë cigare.
“Pirja e duhanit është e rrezikshme, por Hamasi është më i rrezikshëm”, “Hamasi po djeg Gazën”, janë disa nga mbishkrimet në cigare.
Çmimi aktual i një cigareje në Rripin e Gazës është 27 dollarë, ndërsa një paketë shitet për 430 dollarë.
“Kjo ‘taksa’ ka ndihmuar Hamasin të vazhdojë të financojë mbijetesën e tij gjatë luftës me një kosto të madhe për banorët e Gazës”, shkruan Jerusalem Post.
Një nga zyrtarët e sigurisë ka deklaruar për mediat izraelite se shpërndarja e cigareve me këto mesazhe kishte për qëllim të transmetonte mesazhe kundër Hamasit.
