Izraelitëve u janë dhënë udhëzime se çfarë të bëjnë në rast të një sulmi ndaj vendit mes tensioneve në rritje rajonale, ndërsa supermarketet raportojnë një rritje të shitjeve të disa produkteve.
Rrjeti izraelit i supermarketeve Victory njoftoi se shitjet e disa mallrave u rritën me 30 për qind krahasuar me shitjet e rregullta. CNN u tha se njerëzit kryesisht blejnë ushqime të konservuara, drithëra, makarona, letër higjienike, mish të ngrirë, ujë në shishe dhe peceta higjienike.
Jerusalemi ka nxjerrë udhëzime për qytetarët se çfarë duhet të bëjnë në rast sulmi dhe është shpërndarë një dokument me listën e parkingjeve që do të përdoren si strehë. Ai tha se banorët duhet të jenë në gjendje të arrijnë në strehë në 90 sekonda.
“Banorët këshillohen që të pastrojnë dhe përgatisin paraprakisht strehimoret”, thuhet në deklaratë.
Banorët këshillohen gjithashtu që të kenë mjaftueshëm ujë dhe ushqim për tre ditë dhe përveç ilaçeve, të blejnë bateri dhe elektrik dore.
“Banorët duhet të përgatiten për ndërprerjet e energjisë elektrike që mund të zgjasin disa ditë. Ata gjithashtu duhet të përgatiten të qëndrojnë në strehimore për disa ditë,” thuhet në dosje.
Fluturimet drejt dhe nga Izraeli gjithashtu u pezulluan.
