Në Banja Llukë po zhvillohet një seancë e jashtëzakonshme e Kuvendit Popullor të Republikës Sërpska, ku po diskutohet drafti i kushtetutës së re të entitetit, pas lëshimit të një urdhër-arresti në Bosnjë e Hercegovinë për presidentin e RS-së, Milorad Dodik.
Sipas versionit të punës, parashikohet krijimi i ushtrisë dhe e drejta për “vetëvendosje”, ndërsa plani parashikon heqjen e shtetësisë së Bosnjë e Hercegovinës dhe futjen e shtetësisë ekskluzivisht entitetit.
Siç deklaroi Dodik, do të krijohen gjithashtu edhe prokuroria dhe Gjykata e Republikës Sërpska, të cilat do të “ndjekin si bishë” përfaqësuesin e lartë Christian Schmidt.
Në seancë po merr pjesë edhe vetë Dodik, i cili përsëri mbante orën e tij të shtrenjtë Breitling Chronomat B01, me një çmim rreth 10.000 euro.
Bëhet fjalë për një seri orësh të prezantuara 41 vjet më parë, të cilat vijnë në versione nga çeliku klasik deri te ari luksoz 18 karatë rozë.
