Kombëtarja e Kepit të Gjelbër shkaktoi sensacionin më të madh deri tani në Kupën e Botës, duke barazuar 0:0 ndaj favoritit kryesor të turneut, Spanjës. Ky rezultat ka gjasa t’i shkaktojë humbje të madhe një bastvënësi.
Polymarket, platforma e decentralizuar ku përdoruesit parashikojnë ngjarje të ardhshme duke përdorur kriptovaluta, bëri të ditur se një nga përdoruesit e saj kishte vendosur 1 milion dollarë në fitoren e Spanjës kundër Kepit të Gjelbër.
Ai priste një fitim të lehtë duke shfrytëzuar kuotën 1.08, me të cilën do të fitonte rreth 85 mijë dollarë neto. Megjithatë, planet e tij u prishën nga paraqitja fantastike e përfaqësueses së Kepit të Gjelbër, e cila falë luftës së madhe në fushë arriti të marrë një pikë të vlefshme.
Tronditje për favoritin
Sensacioni më i madh i Kupës së Botës: Kepi i Gjelbër ndal Spanjën
Për Kepin e Gjelbër, kjo ishte paraqitja e parë në histori në një Kampionat Botëror. Njeriu i ndeshjes ishte portieri 40-vjeçar Vozinha, i cili priti shtatë raste të pastra të spanjollëve.
Spanja goditi edhe shtyllat dhe traversën e portës kundërshtare, por nuk arriti të shënojë, ndaj është e qartë se bastvënësi që kishte vendosur 1 milion dollarë e ka përjetuar me shumë ankth gjithçka që ndodhte në fushën e stadiumit në Atlanta.
Forcën e Kepit të Gjelbër e kishte ndjerë së fundmi edhe kombëtarja e Serbisë, pasi kjo përfaqësuese afrikane, në kuadër të përgatitjeve për Kupën e Botës, e mposhti bindshëm Serbinë me rezultat 3:0.
