Babai i Jacob Flickinger, një qytetar amerikan i vrarë në një sulm ajror izraelit mbi një kolonë punonjësish të ndihmës së Kuzhinës Qendrore Botërore në Gaza më 1 prill, foli me Sekretarin e Shtetit të SHBA Antony Blinken.
John Flickinger i tha Blinken se Shtetet e Bashkuara të Amerikës (SHBA), aleati më i rëndësishëm i Izraelit, duhet të përdorin fuqinë e tyre për t’i bërë presion Izraelit që t’i japë fund vrasjeve në Rripin e Gazës të rrethuar.
“Nëse Shtetet e Bashkuara do të kishin kërcënuar se do të ndërprisnin ndihmën për Izraelin, ndoshta djali im do të ishte gjallë sot”, tha Flickinger për Associated Press.
Jacob, 33 vjeç, u vra në sulmet izraelite me dron që goditën një kolonë në të cilën ai dhe gjashtë punonjës të tjerë të ndihmës po udhëtonin për të dërguar ndihma ushqimore në Gaza.
Babai i tij tha se Izraeli po përpiqet të frikësojë punëtorët humanitar dhe kështu të ndalojë rrjedhën e ndihmave humanitare.
