Një tregtar palestinez i është përgjigjur deklaratave provokuese të ministrit të ekstremit të djathtë të Sigurisë Kombëtare të Izraelit, Itamar Ben-Gvir, i cili pretendoi se ishte pronar i këtyre tokave.
Duke tërhequr vëmendjen se Ben-Gvir lëvizte i shoqëruar nga dhjetëra pjesëtarë të sigurimit, tregtari i tha: “Ti e di se kjo tokë nuk është e jotja.”
Ben-Gvir, i njohur për deklaratat dhe veprimet e tij provokuese ndaj të burgosurve palestinezë, gjatë një vizite te tregtarët, i shoqëruar nga truprojat, bëri sërish deklarata që shkaktuan reagime.
Ai kërcënoi një tregtar palestinez dhe pretendoi se ishte pronari i vërtetë i këtyre tokave.
“UNË JAM PRONARI KËTU”
“Unë jam i zoti i shtëpisë këtu, do të të dëboj prej këtu”, i tha Ben-Gvir tregtarit palestinez.
“TI E DI SE KJO TOKË NUK ËSHTË E JOTJA”
Tregtari palestinez iu përgjigj:
“Unë jam këtu vetëm, ndërsa ti lëviz me dhjetëra truproja, sepse e di se kjo tokë nuk është e jotja.”
“DO TË TË DËBOJ PREJ KËTU”
Pas kësaj, Ben-Gvir vazhdoi me kërcënimet ndaj tregtarit duke thënë:
“Kjo është shtëpia ime, ky është vendi im. Unë jam i zoti i shtëpisë. Do të të dëboj prej këtu.”
I NJOHUR PËR VEPRIMET PROVOKUESE
Ministri izraelit i ekstremit të djathtë, Ben-Gvir, i cili shpesh ka bërë deklarata në mbështetje të kushteve të rënda ndaj të burgosurve palestinezë, është bërë vazhdimisht temë e debatit për vizitat e tij provokuese në burgjet ku mbahen palestinezët.
Ben-Gvir ka kryer gjithashtu vizita provokuese në kompleksin e Xhamisë Al-Aksa, ndërsa në dhjetor shkaktoi reagime pasi propozoi që rreth burgjeve ku mbahen të burgosurit palestinezë të ndërtoheshin “hendeqe të rrethuara me krokodilë”.
