Në kryeqytetin e Indonezisë, Xhakartë, sot ndodhi një shpërthim bombe në kompleksin e një xhami, në momentin kur besimtarët po faleshin. Sipas raportimeve të agjencisë Reuters, dhjetëra persona u plagosën, ndërsa autoritetet flasin për një ngjarje me elemente të dyshimta terroriste.
Sipas të dhënave zyrtare, 54 persona janë pranuar në spitale, disa prej të cilëve me lëndime të rënda.
“Policia po heton shkakun e shpërthimit,” deklaroi shefi i policisë së qytetit, Asep Edi Suheri, në një konferencë për media televizive.
Në vendngjarje, autoritetet gjetën një jelek antiplumb dhe një armë zjarri, të cilat konsiderohen indikacione të mundshme të një operacioni terrorist.
Kanalet informative KompasTV dhe MetroTV publikuan pamje ku shihen forcat e policisë dhe ambulancat rreth zonës së xhamisë.
Ngjarja ka shkaktuar shqetësim të madh publik, veçanërisht për shkak se xhami ndodhet pranë një kompleksi shkollor, ndërsa hetimet vazhdojnë për të përcaktuar autorët dhe motivet e mundshme të sulmit.
