Senatori amerikan Bernie Sanders nga Vermonti e përshkroi luftën e Izraelit në Gaza si gjenocid, duke u bërë senatori i parë amerikan që ka ngritur një akuzë të tillë kundër Izraelit.
Megjithëse Sanders kishte udhëhequr përpjekjet në Senat për të bllokuar shitjen e bombave dhe armëve amerikane për Izraelin, ai më herët kishte hezituar ta përshkruante luftën si “gjenocid”.
Tani, në një deklaratë të titulluar “Ky është gjenocid”, Sanders thotë se “përfundimi është i pashmangshëm”.
“Pasi e kemi quajtur gjenocid, duhet të përdorim çdo pjesë të fuqisë sonë për të kërkuar një armëpushim të menjëhershëm,” theksoi ai.
Një komision i pavarur i Kombeve të Bashkuara këtë javë publikoi një raport në të cilin përcaktoi pa asnjë dyshim se veprimet që po ndërmerr Izraeli në Gaza hyjnë në përkufizimin e gjenocidit.
Në Gaza janë vrarë mbi 60.000 persona, ndërsa dyshohet se numri real është shumë më i madh.
