Bashkëshortja e ushtarakut të vrarë po merr trajtim mjekësor
Rusia deklaroi se një ushtarak u vra dhe bashkëshortja e tij u plagos pasi një makinë mori flakë në Shën Petersburg, transmeton Anadolu.
Hetuesit nuk specifikuan njësinë ushtarake ku shërbente ushtaraku i vrarë, por thanë se bashkëshortja e tij po merr trajtim mjekësor.
Komiteti Hetimor njoftoi se për incidentin, i cili ndodhi në distriktin Pushkinsky, është nisur hetim penal.
“Për momentin, hetuesit dhe ekspertët kriminalistikë, së bashku me shërbimet operative, po shqyrtojnë vendin e ngjarjes”, thuhet në një deklaratë.
Gazeta lokale Fontanka raportoi se një nënkolonel nga një njësi ruse e mbrojtjes ajrore u vra në shpërthimin e një automjeti. Megjithatë, ky informacion ende nuk është konfirmuar zyrtarisht nga autoritetet.
Moska e ka akuzuar Kievin për përpjekje për vrasjen e një numri zyrtarësh të lartë ushtarakë rusë në kuadër të luftës së vazhdueshme Rusi-Ukrainë. Kievi ka marrë përgjegjësinë për disa raste, ndërsa në raste të tjera ka mohuar përfshirjen.
Ukraina ende nuk ka komentuar incidentin.
