Ministria për Punë, Familje dhe Vlerat e Luftës Çlirimtare ka njoftuar se janë procesuar pagesat për pensionet e të gjitha kategorive të përfituesve.
Sipas njoftimit të ministrisë, pagesat përfshijnë pensionet bazike të moshës, pensionet kontributive, pensionet për personat me aftësi të kufizuara, përfshirë fëmijët me aftësi të kufizuara, si dhe pensionet e pjesëtarëve të Forcës së Sigurisë së Kosovës (FSK) dhe Trupave Mbrojtëse të Kosovës (TMK). Po ashtu, janë procesuar edhe pagesat për pensionet invalidore të punës, kompensimet për personat e verbër, paraplegjikë dhe tetraplegjikë, pensionet e arsimit, pensionet për përfituesit që jetojnë jashtë vendit, si dhe pensionet parciale kontributpaguese. Në këtë proces janë përfshirë edhe pensionet për invalidët e luftës dhe viktimat civile. Njoftimi është bërë nga Ministria për Punë, Familje dhe Vlerat e Luftës Çlirimtare.
