Policia e Kosovës ka dhënë tender në vlerë prej 700 mijë euro për furnizim me bileta avioni.
Përmes kësaj kontrate, parashihet furnizimi me 1 mijë e 400 bileta, përkatësisht 500 euro për një biletë, shkruan Gazeta Online Reporteri.net.
Lokacionet se për ku do të blihen këto bileta s’janë përcaktuar.
“*Vlera e biletës prej 500 euro është një vlerë që shërben vetëm për kalkulim të çmimit dhe çmimi total do të përdorët vetëm për nevojat e vlerësimit dhe nuk përcakton çmimin real të kontratës pasi që çmimet janë variabël dhe kontrata do të bazohet në sasinë e biletave”, theksohet në dosjen e tenderit të publikuar në platformën e-Prokurimi.
Me këtë kontratë është shpërblyer kompania “AS Travel Club” SH.P.K, që ka qenë oferta më e lirë nga tri që janë dorëzuar.
Kontrata është nënshkruar më 11 shtator, teksa kohëzgjatja e saj është për 36 muaj./Reporteri.net
